tamazight ino

Azul tamazight ino, azul tamazirt ino
Tllit g woul ino, tllit g tassa no.
Ouchkighd, ourrighd, iwighd amarg ino.
Nnan tguit tafarouzt, nnigh tguit tajddigt.
Nnan tmmimt, nigh tguit tamment n tmazirt.
Nnan tguit tizwit, nigh tguit tagllidt
Nnan, iggout ma d nnan our soul nnan yat
Righ ad arigh s tfinagh awal n tayri.
Righ ad am inigh touft taziri
Righ ad am inigh touft itri
Righ ad am inigh touft tafoukt
Mani tllit, mani s tftit mani tkkit ?
Mani s ra dftough, man tamazirt d tellit ?
Kkird timizar d timoura,
kkighd ighzran d idourar.
Our kem oufigh our kem zrigh a illis n oumghar